Laku Luzea

Laku Luzea Tolkienen legendarium ospetsuan Erdialdeko Lurraldeko lakurik handiena da eta bertako urak Hobbita eleberrian kontatzen den istorioaren zati baten eta Eguzkiaren Hirugarren Aroan gertatutako beste gertakari batzuen eskenategia da.

Fikziozko geografia

Laku Luzeak, bere izena, luzetarantz zuen hedadura handiagatik jasotzen zuen. Erdialdeko Lurraldearen iparraldean kokatua, bere ibaiadar nagusiak Oihaneko ibaia, lakuaren mendebaldeko ertzean itsasoratzen zena, Ibaiko Atea ezagutzen zenean, eta Zelduin edo Ibai Azkarra ziren, azken hau lakuaren iparraldean itsasoratzen zena, muino baxuen artean haizpitarte bat zeharkatu ondoren. Laku Luzea iparraldetik hegoaldera milia askotan hedatzen zen, hainbeste Bilbo Zorrozabalen arabera "kontrako ertzak ozta-ozta nabaritzen zirela urrunean, eta hain luzea iparraldeko muturra ikusten ez zela, Mendirantz begira zegoena". Litekeena da laku hau oso antzinako garaietan harrizko haran sakon bat izana, Rhovanioneko zati horren ezaugarri morfologikoengatik eta urez bete zena hondamendi bategatik edo bere ibaiadarren emarien handitze bategatik. Hegoaldeko muturrean Laku Luzeak bere urak urjauzi handi batzuetan isurtzen zituen eta hegomendebalderantz jarraitzen zuen Zelduin ibaia bezala.

Fikziozko historia

Zelduin-Karnen ibai sistemaren zati zenez lakua garrantzi handiko merkataritza bidea zen, nondik itsasontziak eta txalupa handi edo almadiek salgaiz beterik zeharkatzen zuten edo, Hobbita lanean esaten den bezala, tropa eta hornikuntza militarrekin, zeinekin Gondorrek eskualdeko segurtasuna mantentzen zuen Eguzkiaren Hirugarren Aroko 580 eta 1850. urte bitartean. Gainera, lakuaren iparraldeko muturrean Lakuko Gizakien hiria kokatua zegoen, Esgaroth izenekoa, hau eskualdeko merkataritza gunerik garrantzitsuena zelarik.

Esgaroth hiria Smaug herensugeak suntsitu zuen Eguzkiaren Hirugarren Aroko 2941. urtean. Herensugea, azkenean, Bard I.a Arkulariak jaurtitako Gezi Beltzaren ondorioz hila izan zen, eta bere gorputz handia Laku Luzearen uretan hondoratu zen eta bere hondarrak, oraindik urte asko beranduago, Lakuaren beheraldi garaietan ikus zitezkeen.

Kanpo estekak

• Datuak: Q3259037